Павлодар қаласының тұрғындары өздері тұратын аулаға сұлулық сыйлап, түрлі мүсіндермен безендіріп қойған. Біздің түсірілім топ павлодарлықтардың жасап жатқан жұмыстарымен танысып қайтты.

Тұрғындар әр жұмысты жұдырықтай жұмылып атқарады. Сондай-ақ, ауланы тек сәндеп қана қоймай, оны таза ұстауға да тырысады. 

Алина Серікпаева, Павлодар қаласының тұрғыны:

Маған осы жерде миньондар ұнайды. Бізде оны әжелер, балалар бірге жасап, ұйымдастырды. Әр пәтерде, подъездерде, площадъкаларда әр түрлі гүлдермен, жаңа жылда мишуралармен безендірген.

Нұрбақыт Ермеш, Павлодар қаласының тұрғыны:

Біздің үйдің тұрғындары бірлесіп, осындай қуыршақтармен безендіріп жатыр. Бұл қаламыздың әдемілігіне өзінің кішкене үлесін қосады деп ойлаймын.

Қарасаң көздің жауын алатын аула - мультфильмдер әлемі тәріздес. Осы ауладан өтетін қала тұрғындарының айтуынша, бұл жерде балалық шаққа саяхат жасағандай боласың....

Құдайберген Бердімұрат, тілші:

Дәл осындай қуыршақтармен, сонымен қатар мүсіндермен жергілікті тұрғындар безендіріп қойған екен. Бұл – біздің қаламыздың сұлулығына сұлулық қосады.

 

Құдайберген Бердімұрат