ШҰҒЫЛ! Өзгерістер жолдауы Толығырақ

Аймақ басшысының жұмыс сапары

20:11, 9 қараша 2021

Облыс орталығындағы жоғары оқу орындарының бірінде Робот-промоутер, зейнеткерлерге арналған тегін цифрландыру курстары және Былқылдақ көлінің маңындағы аумақты демеркуризациялау және басқа да көптеген бағыттар бойынша жұмыстар жүргізілуде. Павлодар облысының әкімі Әбілқайыр Сқақов оқу орнына барып, студенттермен және педагогикалық құрамымен сұхбаттасты.

Инновациялық Еуразия университетінің өкілдері өңір басшысына өз жобаларының көрмесін ұйымдастырды. Олардың қатарында-студенттік старт-аптар мен әлеуметтік жобалар бар. Мысалы, робототехникамен айналысатын университет студенті Константин Слесаренко тірі промоутерді алмастыруға арналған қозғалмалы манекенді ұсынды.

Константин Слесаренко, білім алушы:

Сатып алушылар көбінесе классикалық манекендердің қасынан өтеді. Мұндай манекен өзінің қозғалып тұруының арқасында адамдардың назарын аударады. Оны киім дүкендері, тамақтану орындары мен фаст-фуд дүкендерін танымал ету үшін пайдалануға болады. Ол кез-келген уақытта жұмысқа шықпауы немесе ауырып қалуы мүмкін промоутерді алмастыра алады.

Университеттің өзге студенттері бүгінде зейнеткерлерді ақпараттық сауаттылыққа үйретеді. Аптасына бір рет студенттер қарттарға смартфондармен және танымал қосымшалармен жұмыс істеуді үйретеді. Олардың қатарында Egov және оның мобильді нұсқасы, банктік төлем жүйелері мен басқа да пайдалы сервистер бар. Бүгінгі таңда жастардың 48 тыңдаушысы бар, олардың қызметтеріне деген сұраныс үнемі өсіп келеді.

Әбілқайыр Сқақов, Павлодар облысының әкімі:

Әлеуметтік бағыттағы жақсы бастама. Біздің аға буын үйден шықпай-ақ, мобильді қосымша арқылы қызмет алуды білуі тиіс. Бұндай бастамаларды қолдау қажет.

Білім мекемесінде Павлодар облысының экологиялық проблемалары үшін де өзіндік шешімдер бар. Университет ғалымдары Былқылдақ көлін демеркуризациялау технологиясын ойлап тапты. Бұл су ресурстарын шаруашылық айналымға қайтаруға мүмкіндік береді. Сондай-ақ, ластанған резервуардың жанындағы топырақты сынаптан тазарту ұсынылады.

Өңір басшысы ЖОО-ы мемлекеттік мекемелермен және жеке кәсіпорындармен белсенді жұмыс істеуі қажеттігін еске салды. Болашақта бірлескен ғылыми жобалар кез-келген мәселені шешуге септігін тигізеді.

 

Аяулым Рахымжанова

Тақырып бойынша материалдар

Мәшһүр Жүсіпке арналған музей жасау ұсынылды
18:04, 17 тамыз 2022
Мәшһүр Жүсіпке арналған музей жасау ұсынылды
Толығырақ...

Танымал жаңалықтар

Тұрғындар екі емхананың жұмысына жиі шағымданады
17:58, 12 тамыз 2022
Тұрғындар екі емхананың жұмысына жиі шағымданады
Толығырақ...