ШҰҒЫЛ! Өзгерістер жолдауы Толығырақ

Абай еліне сапар

20:55, 26 қараша 2021

Керекулік әжелер Абай еліне сапарлап қайтты. Мәдени-рухани сапар Тәуелсіздіктің 30 жылдығы аясында, Елтану жобасы бойынша ұйымдастырылып отыр. Қасиетті Семей өлкесі, Абай елі қай уақытта да әр қазақты өзіне тартады. Танымдық экспидиция құраманды болып қайтқан тілшіміз Жанасыл Серікбол баяндасын.

Биыл Ел тәуелсіздігіне 30 жыл толды. Осы мерейлі датаға «Нұр ана әлемі» ҚБ-нін 30 жылдығы да түспа-тұс келіп отыр. Осынау шараға орай бірлестікке мүше ақ жаулықты әжелер Абай еліне мәдени-рухани сапар жасауды жөн көрген. Әжелер әуелі Семей қаласындағы Абай музейін аралады. Осында сақтаулы мәдени-тарихи жәдігерлермен танысты. Абай музейі елеміздегі бірегей тарихи-мәдени кешен. Бүгінге дейін қорына 20 мың жәдігер жиналған.

Жанасыл Серікбол, тілші:

Абай музейіндегі жәдігерлер тарихы 1880 жылдардан басталады. Мәселен мына жерде тұрған шопар, айбалта, құтыны 1883 жылы қуғындағы досы Долгополовқа Абай өз қолымен табыстаған екен.

Музей жалпы 10 залдан тұрады. Қазақ халқының ежелгі дәуірдегі тыныс-тіршілігі, тұтынған бұйымдары, зергерлік өнері мен ән мұрасына қатысты жәдігерлермен танысуға болады.

Нұрша Нұрғалиева, «Нұр ана әлемі» ҚБ мүшесі:

Абай жолын оқысақ та.... айтып беруге тырысамыз.

Қатима Қарағожина, Ақтоғай аудандық «Нұр ана әлемі» ҚБ төрайымы:

Абай атамыздың мұражайына келіп, жақсы бір әсер алып жатырмыз. Ақтоғайда Абай атында мектеп бар. 175 жылдық мерейтойының барлық іс-шараларына қатысқанбыз.

Сапар барысында Семей қаласындағы Абай ескерткішіне де гүл шоқтары қойылып, тағзым етілді. Асқақ мүсінің алдында ғұламаның әндерді шырқалып, өлеңдері оқылды.

Қайырлы Жақсыбаева, «Нұр ана әлемі» ҚБ мүшесі:

Қуанышты болып жатырмыз. Абай данагөй, дара тұлға. Ары қарай дәріптеу біздің ұрпақтарымыздың қолында.

Керекулік әжелер Абайдың 175 жылдық мерейтойына байланысты, «Зере әженің жолымен» атты ертегі айту жобасын іске асырған еді. Бүгінде онымен әрмен қарай жалғастыру жоспарлануда. Семей еліне сапар алдағы үлкен жұмыстарға дайындық деп отыр әжелер.

 

Жанасыл Серікбол

 

Тақырып бойынша материалдар

Ақбөкен атқаны үшін 3000 аек мөлшерінде айыппұл салынады
17:39, 8 тамыз 2022
Ақбөкен атқаны үшін 3000 аек мөлшерінде айыппұл салынады
Толығырақ...

Танымал жаңалықтар

Павлодарлық жасөспірімдер олжалы оралды
17:08, 5 тамыз 2022
Павлодарлық жасөспірімдер олжалы оралды
Толығырақ...