Павлодар тұрғынынан заңсыз ауланған сүйрік балықтары тәркіленді. Түнгі екілер шамасында Ақтоғай ауылында Павлодар қаласының 62 жастағы тұрғыны басқарған «УАЗ» автокөлігі ұсталған. Көлікті тексеру кезінде салоннан 15 келі бекіре тұқымды сүйрік балықтары мен аулауға қажетті құрал-жабдықтар тәркіленді.

Асылан Жағыпаров, ПД табиғатты қорғау полиция қызметінің аға инспекторы:

Аталған фактіге қатысты ҚР ҚК 335-бабы бойынша сотқа дейінгі тергеу амалдары жүргізілуде. Автокөлік айыптұрағына қойылған. Еске саламыз, Павлодар облысында 30 мамырға дейін балық аулауға тыйым салынған.