ШҰҒЫЛ! Өзгерістер жолдауы Толығырақ

«Алтынсарин дарыны» анықталды

21:57, 24 мамыр 2022

Балалар жылы аясында дарынды балаларға ерекше көңіл бөлініп жатыр. Мәселен, Алтынсарин атындағы дарынды балаларға арналған гимназияда топтан оза шауып, үздік болғандар марапатқа ие болды. Білім ошағының ұстаздары мен ата-аналар да назардан тыс қалмады.

«Алтынсарин дарыны»  атты марапаттау рәсімі соңғы 5 жылда ауқымды өткізіліп келеді. Осы жолы да мерекелік шара Естай атындағы мәдениет сарайында ұйымдастырылды. Онда жыл бойы үздік нәтиже көрсеткен оқушылар, ұстаздар және тәрбиелік, қоғамдық жұмыстарға етене араласқан ата-аналар марапатталды.

Мағзұм Имантай, Алтынсарин атындағы гимназияның 11-сынып оқушысы:

Бұл дарын кешіне жыл бойғы «Ақберен», айтыстар жетістіктермен қатысып отырмын.

Осылайша, гимназияның 2021-2022 жылдары жасалған жұмыстары қорытындыланды. 60 жылдық тарихы бар білім ордасы қазір еліміздегі ең үздік 100 мектептің қатарына енді.  

Шоқан Қалдыбаев, Алтынсарин атындағы гимназияның директоры:

Осы балалар жылы аясында мектепте 90-ға жуық оқушыға жобаларға оқушыларға мадақтама беріп жігерлендіріп отырмыз. 40-қа жуық ұстазымыз бар. Олардың жігерлендіру мақсатында жасап жатқан іс шара.

Айта кетейік, бүгінде Алтынсарин атындағы дарынды балаларға арналған гимназияда 500-ге жуық бала білім алады.

Самал Қалиқызы

Тақырып бойынша материалдар

Танымал жаңалықтар