ШҰҒЫЛ! БІР АДАМҒА ЕКІ РЕТ ЖҮРЕК САЛЫНДЫ Толығырақ

«SMART-PAVLODAR» ЭЛЕКТРОНДЫҚ ҚОСЫМШАСЫНДА «ӘЛЕУМЕТТІК ҚОРҒАУ» БӨЛІМІ ПАЙДА БОЛДЫ

19:52, 10 тамыз 2018

Облыс орталығында әлеуметтік салалардың цифрлық қызметі жаңа бөліммен толықты. Бұдан былай, «Smart-Pavlodar» электрондық қосымшасы арқылы инватакси шақырып, шипажай-емдеу қызметіндегі кезек ретін де көруге болады. Өкінішке қарай, «Әлеуметтік қорғау» деп аталатын мобильдік қосымшаның тек орысша нұсқасы бар. Әкімдік өкілдері жобаны әзірлеу межесінде мемлекеттік тілге неліктен басымдық бермегені түсініксіз.

«Әлеуметтік қорғауды» пайдалану көрсеткіші қазірдің өзінде 20 мыңнан асады. 22 смарт-кезегімен қамтылған мобильдік қосымша жеңіл жүктеледі. Тек, ұялы телефоныңызда плей-маркет немесе эппстордың болуы шарт. Игілікті пайдаланып үлгерген павлодарлықтар жобаның артықшылықтарын айтуда.

ҚЫМБАТ МҰҚАШОВА, Павлодар қаласының тұрғыны

Көп уақыт алмайды. Бір жерге барудың керегі жоқ. Қайда болсаң да қосымша қолыңда болады. Соны қарап шығып, ешкімді тоспай, ешқайда бармай. Өзім қарадым, өзім таптым, өзім барып келдім, болды. 

Мүмкіндігі шектеулі жандарға қажетті құралдар, инватакси және шипажай-емдеу қызметтері бойынша онлайн-кезекті, әзірге, тек орыс тілінде іздеп табуға болады. Ал оны мемлекеттік тілге аудару - екінші мәселе.

МАРАТ ҚОЖАХМЕТОВ, Павлодар қалалық жұмыспен қамту және әлеуметтік бағдарламалар бөлімінің сектор меңгерушісі

Пилоттық жобадағы нұсқасы орысша әзірленді. Сынамалы режим аяқталғаннан кейін, мемлекеттік тілдегі нұсқасын енгізу мүмкіндіктерін қарастырамыз.

СЕРГЕЙ ГОЛЫШЕВ, «Smart-Pavlodar» электрондық қосымшасын әзірлеуші серіктестіктің жетекшісі

Әуел баста қосымшада қазақ тілі болған. Кейін ақпаратты жаңарту жылдамдығының жиілігіне байланысты, қателермен жұмыс көп уақыт алды. Осыған байланысты, қазақ тілін алдағы қыркүйек айында енгіземіз.

Осылайша, орыс тілін жете түсінбейтін қосымша пайдаланушыларына кемінде бір ай сөздіктің көмегіне жүгінуге тура келеді. Мемлекеттік тілдің аударма тілі еместігі көпшілікке сан мәрте ескертілгенімен, заңның толыққанды орындалуы ашық мәселе болып қалуда.

 

Рымбек ҚАБИДЕН

Тақырып бойынша материалдар

«ЕКІ ҒАСЫР – ЕКІ ТҰЛҒА» АТТЫ ФЕСТИВАЛЬ ӨТТІ
21:03, 10 тамыз 2018
«ЕКІ ҒАСЫР – ЕКІ ТҰЛҒА» АТТЫ ФЕСТИВАЛЬ ӨТТІ
Толығырақ...
АҚТОҒАЙДА «ЗАМАНАНЫҢ БҰЛБҰЛЫ» АТТЫ ОБЛЫСТЫҚ АҚЫНДАР АЙТЫСЫ ӨТТІ
20:47, 10 тамыз 2018
АҚТОҒАЙДА «ЗАМАНАНЫҢ БҰЛБҰЛЫ» АТТЫ ОБЛЫСТЫҚ АҚЫНДАР АЙТЫСЫ Ө...
Толығырақ...
ҚАМЗИН КӨШЕСІ 92 ҮЙДІҢ ТҰРҒЫНДАРЫ  ЖЕР АСТЫ СУЫНАН ЖАПА ШЕГУДЕ
20:09, 10 тамыз 2018
ҚАМЗИН КӨШЕСІ 92 ҮЙДІҢ ТҰРҒЫНДАРЫ ЖЕР АСТЫ СУЫНАН ЖАПА ШЕГУ...
Толығырақ...

Танымал жаңалықтар

«SMART-PAVLODAR» ЭЛЕКТРОНДЫҚ ҚОСЫМШАСЫНДА «ӘЛЕУМЕТТІК ҚОРҒАУ» БӨЛІМІ ПАЙДА БОЛДЫ
19:52, 10 тамыз 2018
«SMART-PAVLODAR» ЭЛЕКТРОНДЫҚ ҚОСЫМШАСЫНДА «ӘЛЕУМЕТТІК ҚОРҒАУ...
Толығырақ...
ҚАШЫР ЖӘНЕ ЛЕБЯЖІ АУДАНДАРЫНЫҢ АТАУЫ ӨЗГЕРТІЛДІ
20:52, 7 тамыз 2018
ҚАШЫР ЖӘНЕ ЛЕБЯЖІ АУДАНДАРЫНЫҢ АТАУЫ ӨЗГЕРТІЛДІ
Толығырақ...
«АЙМАҚТАРДЫ ДАМЫТУ» МЕМЛЕКЕТТІК БАҒДАРЛАМАСЫ АЯСЫНДА КЕЗЕКТІ ТҰРҒЫН ҮЙ КҮРДЕЛІ ЖӨНДЕУДЕН ӨТТІ
21:20, 7 тамыз 2018
«АЙМАҚТАРДЫ ДАМЫТУ» МЕМЛЕКЕТТІК БАҒДАРЛАМАСЫ АЯСЫНДА КЕЗЕКТІ...
Толығырақ...