Павлодарлық ер азамат автоқалам сақтағаны үшін ұсталды

Павлодарлық ер азамат сатып алуға және сақтауға заң бойынша рұқсат етілмеген автоқалам сақтағаны үшін ұсталды. Аталмыш құрылғының ерекшелігі аудио-видео сақтауға арналған функиясының барында. Демек, камерасы мен жад картасы бар қаламды арнайы орган қызметкерлерінің қолдануына ғана рұқсат. Бүгінде қылмыстық іс сотқа жіберілді.

16:44, 17 наурыз 2017   305

Павлодарлық полицейлер аудио-видео, құжаттарды сақтап, тасымалдауға арналған қалам сақтағаны үшін 35 жастағы ер азаматқа қатысты қылмыстық тергеу жұмыстарын жүргізуде. ҚР заңына сәйкес мұндай қаламды арнайы орган қызметкерлерінің ұстауына ғана рұқсат етілген. Ал, айыпталушы ер азамат аталмыш қаламды сыйлыққа алғанын айтуда.

БАЯН МАҒЗҰМОВА, Павлодар облыстық ІІД баспасөз қызметінің басшысы

Мамандар аталмыш автоқаламды жасырын түрде дыбыстық бейне жазбалар сақтайтын техникалық құрылғы екенін анықтады. Ал оның жад  картасында барлығы 32 сурет, 10 файл сақталған. Олардың нендей құжаттар екендігі әзірге анықталу үстінде.  Айта кетейік, бұл қаламдар жасырын фото, аудио-видео тасымалдауға арналған. Мұндай автоматты құрылғыларды арнайы дүкендер де, және заң бойынша рұқсат етілген тұлғаларға ғана сатылады.

«Қазақстан-Павлодар» телеарнасының ресми сайты

140006, Павлодар қаласы, Сұрағанов көш., 21 үй Байланыс телефондары: 8 (7182) 33-90-26