Оңтүстіктен қоныс аударушыларды қабылдайтын төрт облыс белгілі болды

Үкімет ішкі қоныс аударушыларды қабылдайтын төрт облысты, яғни Солтүстік Қазақстан, Павлодар, Шығыс Қазақстан, Қостанай облыстарын, сондай-ақ шығу өңірлері ретінде бес облысты: Оңтүстік Қазақстан, Жамбыл, Алматы, Маңғыстау облыстарын айқындады. Бүгінге бағдарлама шеңберінде оңтүстіктен солтүстік өңірлерге 172 отбасы ерікті түрде қоныс аударды және 1279 отбасы қоныс аударуға дайын.

14:27, 10 тамыз 2017   157

Дегенмен де бұл аз көрсеткіш дейді вице министр Біржан Нұрымбетов. Егер де аталған 4 солтүстік облыста ағымдағы демографиялық және көші-қондық үрдістер сақталатын болса, алдағы 5 жылда оларда экономикалық тұрғыдан белсенді халықтың саны 167 мың адамға азаюы ықтимал. Сондықтан вице-министр сол 4 облыста еңбекке жарамды халық санын сақтап қалу үшін өңірлермен келісе отырып, алдағы 5 жылда кемінде 59 мың отбасын қоныс аударуын ұйымдастыру қажет деп шешілді. Түйіткелдің түйінін тарқату үшін қоныс аударушыларға арналған қосымша ынталандыру шаралары әзірленді. Енді мемлекет ниет білдіргендердің көші-қон шығындарын өтеп, тұрғын үй жалдауға субсидияны сақтайды. Тұрақты жұмыс берушілерге де субсидия қарастырылған. «Тұрғын-құрылыс үй жинақ банкі» арқылы несие мен субсидияларды берудің жеңілдетілген жүйесі және ауыл шаруашылығымен айналысу үшін тегін жер беріледі деп жоспарлануда. «Бастау» бизнес жобасы бойынша білім алғандарға гранттар қарастырылғаны да тағы бар. Осылайша, аталмыш бағдарламаға қажетті қосымша  қаражат оның ішінде 2018 жылға 7,3 млрд теңге толықтай есептеліп, бүгінде Қаржы министрлігімен бірге пысықталуда. 

«Қазақстан-Павлодар» телеарнасының ресми сайты

140006, Павлодар қаласы, Сұрағанов көш., 21 үй Байланыс телефондары: 8 (7182) 33-90-26