Облысымыздың қылмыс деңгейі

2016 жылы елімізде қылмыс деңгейі 6,5 поцентке төмендеген. Ал бұл көрсеткіш Павлодар облысында 18,5 процентке кемісе, 2016 жылы облысымызда жалпы саны 14 440 құқық бұзушылық іс тіркелген. Бұл туралы ҚР Бас прокуратурасының құқықтық статистика және арнайы есепке алу жөніндегі комитеті Павлодар облыстық басқармасының мамандары мәлімдеді.

10:58, 9 қаңтар 2017   62

Өткен жылы ішкі істер органдарында тіркелген қылмыстардың басым бөлігі біреудің мүлкіне қол сұғуға қатысты болған.  Бұл барлық қылмыстың 60,9 процентін құрайды. Оның ішінде тонауға байланысты 507 қылмыс, ал қарақшылық бойынша 47 құқықбұзушылық іс тіркелген.  Бұл өткен жылдың сәйкес кезеңімен салыстырғанда біршама азайғанын көрсетеді. Ал  бұл қылмыстардың  басым көпшілігі өңіріміздегі 3 қалада жиі орын алған. 

Ал  осы қылмыстардың алдын алу мақсатында өңірімізде бір қатар жұмыстар қолға алынған. Қоғамдық қауіпсіздікті қамтасыз ететін жергілікті полиция қызметі  қылмыстық құқықбұзушылық жиі орын алатын жерлердің картасын жасады.  

Бір айта кетерлігі, service.pravstat.kz деп аталтын порталға  кез келген қала тұрғыны  кіріп, өзі тұрып жатқан  аумақтағы қылмыс деңгейін білуге мүмкіндік бар. Бұл өз кезегінде адамдардың қылмыстық қауіптілігі жоғары аумақта  сақ жүруге шақырады дейді мамандар. 

 

«Қазақстан-Павлодар» телеарнасының ресми сайты

140006, Павлодар қаласы, Дерибас көшесі, 21 үй Байланыс телефондары: 8 (7182) 33-90-26