Мұражайға тапсырылған қолөнершінің құнды сыйы

Майра Шамсутдинова атындағы мұражайға қолөнерші Қылышбек Құрмантегі «Қазақ қолөнерінің классигі» Қамар Қасымов жасаған домбыраның үлгісін жасап тапсырды. Домбыраны жасауға аталмыш мұражай басшылығы қолқа салған екен. Енді Қамар Қасымовға арналған мұражай бұрышы тағы бір құнды мұрамен толыға түсті.

14:21, 17 мамыр 2017   139

Еуропалықтар «Қазақ қолөнерінің классигі» деп атаған Қамар Қасымов саз аспаптарын жасайтын қазақтың тұңғыш қол өнер шебері.  Ол  кісі жасаған  музыкалық асапатары  әлі күнге дейін  ел ішінде қолданылып келеді. Майра Шамсутдинова атындағы мұражайдың басшысы Ерлан Рахымов  белгілі қол өнер шебері  Қылышбек Құрмантегіге  Қамар Қасымов жасаған  домбыраның үлгісін  жасап беру жөнінде қолға салған екен. Бүгін осынау құнды мұраны  шебер  мұражайға арнайы әкеліп тапсырды. 

ЕРЛАН РАХЫМОВ, Майра Шамсутдинова атындағы мұражайдың директоры

Қол өнер шебері  бұл өнер туындысын жасауға 2 ай уақыт жұмсаған.  Домбыраны түрлі ою-өрнектермен  көмкеріп, әшкейлеген.  Шебер  түп нұсқадан  айнытпай жасауға бар күш жігерін  салып баққан көрінеді.

ҚЫЛЫШБЕК ҚҰРМАНТЕГІ, шебер  

Аталған  мұражайда  қазақтың ұлттық саз аспаптарына да орын берілген.  Домбыраны салтанатты  түрде тапсыру шарасы аясында ПМПИ  студенттері жасаған аспаптар көрмесі  өткізілді.  Оған  қала мектептерінің  ұстаздары  арнайы қатысып,  қазақтың төл туындыларымен жақынырақ танысуға мүмкіндік алды. 

Автор: Өзгеріс Қуанар

«Қазақстан-Павлодар» телеарнасының ресми сайты

140006, Павлодар қаласы, Сұрағанов көш., 21 үй Байланыс телефондары: 8 (7182) 33-90-26