Еліміздегі орташа айлық жалақысы 149 951 теңгені құрады

Елімізде ең жоғары жалақыны қай саланың мамандары алатыны белгілі болды. Бұл тиуралы мәліметтерді Ұлттық экономика министрлігінің баспасөз қызметі таратты.

16:38, 2 тамыз 2017   180

2017 жылдың 2-тоқсанында еліміздегі бір қызметкердің орташа айлық жалақысы 149 951 теңгені құрады. Бұл өткен жылдың сәйкес кезеңімен салыстырғанда 104,4%ке жоғары. «Салалар бойынша ең үлкен атаулы жалақы қаржы және сақтандыру қызметіне тиесілі, мұндағы орташа айлық - 315,3 мың теңгені құраған. Кәсіби, ғылыми және техникалық қызметтегілердің еңбекақысы 253,2 мың теңге, ақпарат және байланыс саласында 222,4 мың теңге, өнеркәсіп саласында 202,3 мың теңге, құрылыс саласында 184,9 мың теңгені құрады деп жазылған баспасөз қызметі таратқан ақпаратта.

Ал ең төменгі атаулы жалақыны ауыл, орман және балық шаруашылығы қызметкерлері алады – 88,3 мың теңге, бұл республика бойынша орта көрсеткіштен 41,1%-ға төмен.

Өңірлер бойынша ең жоғарғы жалақы Маңғыстау облысында – 253,9 мың теңге, бұл орташа республикалық көрсеткіштен шамамен 1,7 есе көп.

Жамбыл облысында бұл көрсеткіш 103,1 мың теңгені құрады, бұл ел бойынша орташа деңгейден 31,3%-ға төмен.

«Қазақстан-Павлодар» телеарнасының ресми сайты

140006, Павлодар қаласы, Сұрағанов көш., 21 үй Байланыс телефондары: 8 (7182) 33-90-26