«Элекор күзет» бойынша жаңадан екі фактіні анықтады

Павлодар облыстық прокуратурасы «Элекор күзет» агенттігі қызметшілерінің өкілеттіктерін асыра пайдалануы бойынша жаңадан екі фактіні анықтады. Сондай-ақ, тергеу амалдарын дұрыс жүргізбегені үшін екі бірдей оңтүстік және орталық полиция бөлімшелерінің тергеушілеріне ескерту берілген.

18:02, 16 наурыз 2017   225

Анықталған екі факті де өткен жылы орын алған. 2016 жылдың 23 наурызында «Элекор күзет» агенттігінің қызметшілері «Гамарджоба» дәмханасына келуші бір адамға дене жарақатын келтірген. Нәтижесінде оның сол жақ білегінің сүйектері сынған. Аталмыш факті бойынша Солтүстік полиция бөлімі Қылмыстық кодекстің 252-ші бабы бойынша сотқа дейінгі тергеу амалдарын жүргізілуде.

ҚУАТ АРТЫҚБАЕВ, Павлодар облысы прокурорының орынбасары 

Сондай-ақ, өткен жылы аталмыш күзет агенттігі бөлімінің қызметкерлері «Бар Вест» дәмханасына келуші әйел адамға бұрыш шашатын баллон қолданып тағы бір мәрте өкілеттіктерін асыра пайдаланғандары анықталды. Бүгінде бұл жағдайға байланысты да тергеу ісі жүріп жатыр. 

ҚУАТ АРТЫҚБАЕВ, Павлодар облысы прокурорының орынбасары

Естеріңізге сала кетейік, 2017 жылдың қаңтар айында кафе қонақтарын ұрып-соққан «Элекор Күзет» агенттігінің екі күзетшісіне қатысты сот үкімі шыққан болатын.  39 жастағы Святослав Комлев пен 28 жастағы Ернар Сейітқанов "Билікті немесе қызметтік өкілеттікті асыра пайдалану" бабы бойынша айыпты деп танылып, 4,5 жылға дейін бас бостандығынан айырылған болатын. Ал, қызметкерлерінің осындай бассыздығы үшін күзет агенттігінің өз басына да қара бұлт үйіріліп тұр. Құзырлы органдар элекор күзет агенттігін лицензиядан айыру мәселесін қарастыруда. 

«Қазақстан-Павлодар» телеарнасының ресми сайты

140006, Павлодар қаласы, Сұрағанов көш., 21 үй Байланыс телефондары: 8 (7182) 33-90-26