Қантай Әмірханқызының атына кабинет берілді

15:48, 4 қазан 2016

Ұлы Отан соғысы жылдары қан майданға аттанып, ерлермен тең ерлік көрсетіп, қаһармандық танытқан қазақ қыздары болған-ды. Солардың бірі – жаудың әуе күштерін талқандап, ерлігімен көзге түскен жерлесіміз Қантай Елубаева. Соғыстан соң оқу-білім саласында 46 жыл еңбек етіп, ұстаздық салада сара жолын қалдырған жанға Бейсен Ахметов атындағы Павлодар педагогикалық колледжінде арнайы кабинет ашылды. Оның табалдырығын алғашқылардың бірі болып аттағандардың қатарында арнамыздың тілшісі де болды.

Ұлы Отан соғысы жылдары Қазақстан әйелдерiн майданның әр тұсынан кездестiруге болатын-ды. Олардан ұшқыш та, танкист те, радист те, барлаушы да, партизан да шықты. Айталық, гвардия лейтенанты Хиуаз Доспанова, ұшақтың механигi Дәмелi Жәкеева,  танкист Жамал Байтасова, пулеметшi Жәмилә Бейсенбаеваның соғыс даласындағы ерліктері аңызбен пара-пар еді. Сол 1943 жылы Алматыдан майданға аттанған 73 қазақ қыздарының арасында Қантай Елубаева да бар еді. Ол Хабаровскіде қызмет етіп, шекараның әуеге қарсы қорғанысын қамтамасыз етті. Зенитші қыз жаудың әуе күштерін талқандап, ерлігімен көзге түсті. Соғыстан кейін ЖенПИ-ге оқуға түсіп, оны аяқтаған соң 46 жыл бойы педагогикалық училищеде тарих пәнінің мұғалімі болды. «Қалдырған ізің мәңгілік» атты салтанатты жиында ұстаздың есіміне математика және оқу әдістемесі кабинеті беріліп, тұсауы кесілді.

 

Ұлы Отан Соғысына қатысқан майдангер, педагогикалық сала ардагері 2013 жылы, 90 жасқа қараған шағында қайтыс болды. Оның ерлігі мен еңбегі оқу орнының шәкірттері үшін  өмірлік өнеге болмақ. Ал ұстаздың есімімен аталған кабинетте тәуелсіз, бейбіт елдің өрендері білім алмақ. 


Қуандық ТАНАБАС

Тақырып бойынша материалдар

Қазақ тілін үйренуге арналған ерекше курстар
12:34, 24 мамыр 2017
Қазақ тілін үйренуге арналған ерекше курстар
Толығырақ...
Павлодар мемлекеттік университетінде  профессор Шамиль Торпищев атындағы аудитория ашылды
15:35, 13 сәуір 2017
Павлодар мемлекеттік университетінде профессор Шамиль Торпи...
Толығырақ...

Танымал жаңалықтар

Железин ауданына ОҚО-нан қоныс аударған отбасы
20:13, 22 қыркүйек 2017
Железин ауданына ОҚО-нан қоныс аударған отбасы
Толығырақ...
Жұмат Шанинннің 125 жылдығына арналған конференция өтті
20:37, 22 қыркүйек 2017
Жұмат Шанинннің 125 жылдығына арналған конференция өтті
Толығырақ...
«Адал ұрпақ» облыстық жастар слеті өтті
19:00, 19 қыркүйек 2017
«Адал ұрпақ» облыстық жастар слеті өтті
Толығырақ...