ШҰҒЫЛ! КУТУЗОВ КӨШЕСІ ТАРИХ ҚОЙНАУЫНА КЕТТІ Толығырақ

ӘЛЕУМЕТТІК АЗЫҚ-ТҮЛІК БАҒАСЫ БАҚЫЛАУДА

21:43, 10 шілде 2018

Павлодар қаласының кәсіпкерлік және ауыл шаруашылық бөлімі жергілікті БАҚ өкілдерімен бірлесіп, әлеуметтік азық-түлік бағасын бақылауға шықты. Бөлшек сауда нүктелерін күнделікті назарда ұстайтын мамандар бірінші қажеттіліктегі азықтың құны тұрақты, әрі қолжетімді деңгейде сақталып тұрғанын айтады.

Әлеуметтік азық-түлік түрлерін жатқа тізіп, сөрелерде белгіленген бағаны айна-қатесіз айтатын мұндай сатушылардың саудасы адал. Күн ара келіп-кететін мамандар, бұдан бөлек, тағы 35 сауда нүктесінде бақылау жүргізеді.

АРМАН АСИПОВ, Павлодар қалалық кәсіпкерлік және ауыл шаруашылығы бөлімінің сектор меңгерушісі

Бағалар тұрақты сақталуда.  Айтып кетсек, қазір қанттың бағасы – 220 теңгеден, 1-ші сұрыпты ұнның бағалары – 77-80 теңгенің аралығында және нанның бағасы 70-75 теңгенің аралығында сатылып жатыр.  Сұйық майдың бағалары 320-330 теңгеден сатылып жатыр. 

 Әлеуметтік бағдарды ұстап тұру басты мақсат. Алда-жалда баға құбыла қалса, жергілікті тұрақтандыру қорынан көмек берілмек. Қазіргі уақытта 200 тоннадан астам қант, 80 тоннадай сұйық май сақтауда бар екен. Бұл – тұтынушылардың алаңдамауына бірден-бір негіз бола алады.

КЕНЖЕ САХИЕВА, дүкен меңгерушісі

Тұтынушы халқымыздың, елдің күнделікті алатын тағамдары – макарон, ұн, қант, май, соларды бір бағада төмендетіліп ұстап отырамыз. Ол тағамдарға баға өзгерілмейді. 

Әзірге, көкөністің бағасы орташа деңгейде сақталуда. Биыл қолайсыз ауа райы салдарынан жергілікті шаруалар алғашқы өнімдерін тамыз айында жинай бастайды. Оған дейін оңтүстіктен тасымалданатын өнім құны өз деңгейінде сақталмақ. Ал, тұрғындар арзанға үлестірілген азық-түліктердің бағасын негізсіз шарықтатқан саудагерлерді анықтаса, кәсіпкерлік бөліміне 32-07-30 немесе 65-24-48 телефондары арқылы хабарласа алады.

 

 

Рымбек ҚАБИДЕН

 

 

Тақырып бойынша материалдар

ЭЛЕКТР ҚУАТЫН ҮНЕМДЕУ -   БАСТЫ ҚАЖЕТТІЛІК
16:27, 11 қыркүйек 2018
ЭЛЕКТР ҚУАТЫН ҮНЕМДЕУ - БАСТЫ ҚАЖЕТТІЛІК
Толығырақ...
ИМПОРТ ПЕН ЭКСПОРТ КЕЗІНДЕ ЖАНУАРЛАРДАН АЛЫНАТЫН ӨНІМДЕРГЕ ВЕТИРИНАРЛЫҚ-САНИТАРЛЫҚ БАҚЫЛАУ ЖҮРГІЗУ
17:51, 6 қыркүйек 2018
ИМПОРТ ПЕН ЭКСПОРТ КЕЗІНДЕ ЖАНУАРЛАРДАН АЛЫНАТЫН ӨНІМДЕРГЕ В...
Толығырақ...

Танымал жаңалықтар

ГОИ БЕЙБІТШІЛІК ҚОРЫНЫҢ ПРЕЗИДЕНТІ КЕЛДІ
20:05, 19 қыркүйек 2018
ГОИ БЕЙБІТШІЛІК ҚОРЫНЫҢ ПРЕЗИДЕНТІ КЕЛДІ
Толығырақ...
ӘБІЛҚАЙЫР БАЙМОЛДИНГЕ АРНАЛҒАН КІТАПТЫҢ ТҰСАУ КЕСЕРІ ӨТТІ
20:24, 25 қыркүйек 2018
ӘБІЛҚАЙЫР БАЙМОЛДИНГЕ АРНАЛҒАН КІТАПТЫҢ ТҰСАУ КЕСЕРІ ӨТТІ
Толығырақ...