ШҰҒЫЛ! АЛТЫ ЖАСТАН МЕКТЕПКЕ БАРУ МІНДЕТТЕЛЕДІ Толығырақ

ЖАС ВОКАЛИСТ «ЕВРОВИДЕНИЕ» БАЙҚАУЫНА ДАЙЫНДЫҚ ҮСТІНДЕ

18:48, 14 қыркүйек 2018

Павлодарлық жас әнші 25 қарашада Минск қаласында өтетін балалар «Евровидения» байқауының іріктеу кезеңіне дайындық үстінде. Аталмыш додаға қазақстандық балалар алғаш рет қатысып отыр. Мария Затварницкая дарынды балаларға арналған музыкалық мектеп-интернатының 8-ші сынып оқушысы. 200 үміткердің арасынан үздік ондыққа өтіп, 22 қыркүйекте өтетін ақтық мәреде бағын сынамақ. «Хабар » телеарнасы ән байқауын тікелей эфирде көрсетеді. Қатысушылардың дауыс ырғағы мен жалпы ән айту қабілетін арнайы қазылар алқасы мен көрермендер бағалайды.

Мария Затварницкая небары 13 жаста болғанымен шығармашылық табысы ауыз толтырарлық.  Беделді халықаралық жарыстардың жеңімпазы.  Соның бірі  «Бала дауысы» ұлттық конкурсы. Жас талант бұл ән додасында бас жүлдені иеленген болатын. Маша ән айтуды бақшадан бастаған.  Дәл сол кезден бүлдіршіннің табиғи талантын байқаған Вера Бородихина жас әншімен жұмыс істей бастаған. Айта кетері, бұл кісінің жұлдызды шәкірттері көп. Соның бірегейі танымал жерлесіміз, опера әншісі Мария Мудряк. Бүгінде  Маша вокалдық шеберліктің қыр-сырын қазақстандық опера жұлдызы Шахимардан Әбіловтен үйренуде.

ГЕЛЛА ФРАДКИНА, дарынды балаларға арналған музыкалық мектеп-интернатының ұстазы  

Қазіргі уақытта Маша вокал сабағын Қазақстанның Халық әртісі, профессор, академик, елордалық театрдың солисті Шахимардан Әбіловтен алады. Оның өскенін байқаймыз.    Кәсібилік,  вокалдық ауқымы,  жоғары ноталарды қиналмау алуы, дауысы тап-таза. Машадан үлкен үміт күтеміз.

Марияның талантының бірегейлілігі – оның дауыс  диапазонының кеңдігінде. Музыкалық сындарда Маша әдетте екі номинацияда , яғни, академиялық және эстрада ән бағыты бойынша қатысады. Жас әнші көбіне  екі бағытта бірдей жоғары жетістіктерге қол жеткізеді. Егер ол «Евровидения» бәйгесінің ақтық мәресінен сүрінбей өтсе, павлодарлық жұлдыз лирикалық әнді шебер орындайтынын дәлелдемек.

МАРИЯ ЗАТВАРНИЦКАЯ, дарынды балаларға арналған музыкалық мектеп-интернатының 8-сынып оқушысы

Бұл ән бақыт туралы. Мен өз елімді мақтан тұтамын. Бұл ән лирикалық , менің мінезіме дәл келіп тұр. Анам айтады, менің қарсыласым бар - ол мен өзім. Сондықтан өз-өзімді жеңуім керек.

Жерлес жас жұлдыздың өмірі жөнінде толық ақпаратты сенбі күні шығатын «Лайф» бағдарламасынан тамашалай аласыздар.

 

Марина САХАРОВА

Тақырып бойынша материалдар

АҚЫН АЙБЕК ОРАЛХАННЫҢ ШЫҒАРМАШЫЛЫҚ КЕШІ ӨТТІ
18:48, 18 ақпан 2019
АҚЫН АЙБЕК ОРАЛХАННЫҢ ШЫҒАРМАШЫЛЫҚ КЕШІ ӨТТІ
Толығырақ...
ПАВЛОДАРДА ҰЛТТЫҚ МУЗЫКА ФЕСТИВАЛІ ӨТТІ
20:03, 15 ақпан 2019
ПАВЛОДАРДА ҰЛТТЫҚ МУЗЫКА ФЕСТИВАЛІ ӨТТІ
Толығырақ...
МУЗЫКАЛЫҚ КОЛЛЕДЖДІҢ СТУДЕНТТЕРІ  ҰЛТТЫҚ АСПАПТАРДЫ ТАНЫСТЫРДЫ
16:12, 11 ақпан 2019
МУЗЫКАЛЫҚ КОЛЛЕДЖДІҢ СТУДЕНТТЕРІ ҰЛТТЫҚ АСПАПТАРДЫ ТАНЫСТЫР...
Толығырақ...

Танымал жаңалықтар

1-СЫНЫПҚА ОҚУШЫЛАР  6-ЖАСТАН ҚАБЫЛДАНАДЫ
19:16, 15 ақпан 2019
1-СЫНЫПҚА ОҚУШЫЛАР 6-ЖАСТАН ҚАБЫЛДАНАДЫ
Толығырақ...
БІРҚАТАР ӨҢІРДІҢ ЖӘНЕ РЕСПУБЛИКАЛЫҚ МАҢЫЗЫ БАР ҚАЛА БАСШЫЛАРЫ КӨПБАЛАЛЫ ОТБАСЫЛАРҒА ЖӘНЕ ӨЗГЕ ДЕ МҰҚТАЖ АЗАМАТТАРҒА КӨМЕК КӨРСЕТУ ҮШІН ҚОСЫМША ҚАРЖЫ ТАПТЫ
18:37, 15 ақпан 2019
БІРҚАТАР ӨҢІРДІҢ ЖӘНЕ РЕСПУБЛИКАЛЫҚ МАҢЫЗЫ БАР ҚАЛА БАСШЫЛАР...
Толығырақ...