ШҰҒЫЛ! ЖЕТІМ БАЛАЛАРҒА ПӘТЕР КІЛТТЕРІ ТАБЫСТАЛДЫ Толығырақ

Абишева Гульнаш Болатовна

1963 жылы 5 қыркүйекте Павлодар қаласында дүниеге келген. С.Торайғыров атындағы Павлодар Мемлекеттік Университетінің инженер-технолог мамандығын (1986 ж.), Мәскеудегі телевизиялық режиссура мектебін режиссура мамандығы бойынша (1989 ж.) аяқтаған.

«Қазақстан» РТРК» АҚ Павлодар облыстық филиалында бағдарламалар режиссері (1992-2004 жж.), бас режиссер (2004-2007 жж.), «Арлан» телевизиялық студиясында бас режиссер (2007-2009 жж.), «Қазақстан» РТРК» АҚ Ақпараттық бағдарламалар дирекциясында қоюшы-режиссер (2010-2012 жж.), бас режиссер (2012-2015 жж.) қызметтерін атқарған.  «QAZAQSTAN» ҰТА режиссерлік қызметінің бас режиссері  қызметін атқарды.

1992 жылдан бастап қазіргі уақытқа дейін Абишева Г.Б. көптеген телевизиялық жобалардың шығармашылық көшбасшысы екендігін көрсетті, деректі фильмдер мен телевизиялық бағдарламалардың көркемдік құрамына жауапты болды. Абишеваның шығармашылық қорында Мемлекет басшысының қатысуымен өткен телекөпірлер, Елбасы, Астана, Қазақстан Республикасының Тәуелсіздік күніне арналған деректі фильмдер, арнайы бейнероликтер, концерттік бағдарламалар бар.

Қазақстан Республикасы Премьер-Министрінің орынбасары – Индустрия және технология министрі А.О. Исекешевтің Алғыс хаттарымен (2011-2015 жж.), Ақпарат саласының үздігі төсбелгісімен (2015 ж), «НұрОтан» партиясының төрағасы Н.Ә. Назарбаевтың Алғыс хатымен (2016 ж.), Құрмет Орденімен (2016 ж.), «Алтын жаршы» медалімен (2017 ж.), «Қазақстан» РТРК» АҚ Басқарма төрағасының Құрмет грамотасымен (2017 ж.) және ҚР Премьер-Министрі Б. Сағынтаевтың Алғыс хатымен марапатталған.